Casa Pampa - es Paradies im Paradies

Ds Casa Pampa isch e Ungerkunft im wunderschöne Santa Teresa, nur es paar Schritt vom Strand entfernt. Schnapp dir dis Surfbrätt, oder ds Strandtüechli und i eire Minute bisch am schönste, kilometerlänge Sandstrand und natürlich a eim vo DÄ Surfspots!!

Im Casa Pampa cha jede si, wiener isch.. Du chasch ällei cho und es Zimmer teile, oder mit dr ganze Familie u hesch e eigeti Wohnig mit toller Ussicht i Garte. Ir Garte- und ir Balkon-Suite hets e super usgstatteti Chuchi, du darfsch aber ou gärn d Outdoor-Chuchi bruche, wo du uf dini Nachbare usem Surfcottage triffsch. Wenn du mal kei Lust uf Strand und Sand hesch, chasch ei Türe witer ga Yoga mache - oder suech dir es Plätzli im liebevoll gstaltete Garte und mach dir's ir Hängematte bequem. Falls de wetsch es Buech läse, chas guet si, das du nid wit chunnsch. Viel Vögel, Leguane und Eichhörnli hei im Garte ihres Dähei - mängisch chöme ou Affe zBsuech, es git also viel z beobachte:)

 

Wenn de Frage hesch, oder öppis wetsch ungernäh, hälfe dir dr Nahuel und Josephina sehr gern und du profitiersch vo ihrne Insider-Tipps. Am Abe wartet dr berüehmt & atemberoubend Sunneungergang uf di und später chasch i eim vo de Restaurants di Goume verwöhne.